長假後有感-- 創業給予生活的自由美好

有日舊朋友探我，第一句便說：你生意「好得」啦！成日見你同人 tea 咁開心！

創業所帶來給予生活的自由美好，真是令人欣羨。

哈哈！不過，人總是選擇性去記憶噃！





冇錯去 tea 係有，仲都幾多架！但做到發癲，完全無停手，想喊都喊唔出... 嘅時候，我都好鍾意同大家 share 格，點解又無人會記得嘅呢！

不過，雖然公司未能完全給我財務自由（just not yet, ok?)，我亦感到很滿足。至少，在整個創業生涯中，時間上的自由，我是完全能享有的！

於是乎，朝早爸媽想飲茶，我可以去；朋友要睇報告，我可以陪；人地個女想去公園，我又可以join；甚至乎見到屋企個地要抹，我都會抹左先返工.... 所以長假對我來說，只是能約到朋友出去再癲多d癲耐d

能隨意隨地享受生命的美好，比一年有幾個長假，每年有幾十日annual仲吸引！

你睇下相片中小妹妹既快樂笑容，真係千金難求！

就算姐姐（定姨姨？）聽日返到公司做到扒低，再要生多幾隻手繼續做千手觀音，再受經濟影響再賺少d... 其實也是個條件交換罷了。

所以，有 Research 表示，看別人 Facebook 帶來太多羨慕，有可能引致抑鬰！

係真架！朋友們，不如你集中睇我既 blog, 至少比較平衡呀！