月餅廣告唔老黎 設計師怎樣看

月圓節又來，不忙抽下水。

中秋節個個都買月餅，唔通個個都食月餅咩。

你可能唔食月餅，但今年一個月餅廣告，你都會睇過，比佢嚇親過，或者係喺網上睇過好多相關既負皮。

不止廣告用既花，仲有用既tone，演員既表情，似乎全部元素都好錯下。之後廣告公司反擊是網民惡意攻擊，事件隨即變成了關公災難。

不明白為何為撐而撐

我作為一個設計師，怎樣看這一件彼岸花事件？


一個面向大眾的媒體，這個廣告令大人小朋友都覺反感，差點以為《大鬧廣昌隆》重播，只能說，廣告公司及 Art Director 採用的視覺元素，都選得不對。這是責無旁貸的。

設計和美感也有對與錯嗎？當然有！

若果你想設計一條浪漫主題妙齡公主裙，但你用了大紅大綠的顏色，加上又金又銀釘滿珠片，加埋無腰剪裁闊到大肚婆裙一樣... 10個人看完都會說，這是條大媽裙。然後你還硬撐：這是美感，Fashion 既野，你識條繩咩？

大家都在討論，元素和表現方法是否錯了？錯了無所謂，肯學一定有進步；撐？和你的受眾去抗衡？有用嗎？

猶記得，在設計學院時，同學都傾向要尋找自己的風格自己的 Style；但老師卻提醒我們，最好的設計師，是最有 Common Sense 的一群。亦即是說，最好的設計師，要能用上最適當的元素，即是將要 Convey 的 Message, 清楚表達給大眾，而大眾是會真的準確接收到要 Convey 的 Message.

設計不是要創新嗎？

你在想，那設計不是要創新嗎？

是的，但設計要在「創新」與「有效溝通」中找平衡點，才是設計之美。

再重申一次，廣告和設計，不同 Fine art! 到最後，還需要以大眾的理解為依歸。

===

P.S. 不知道發生咩事的朋友，講下俾大家知其實發生乜嘢事：

是咁的，有餅家的月餅廣告設計用上別稱「彼岸花」或「曼珠沙華」的花朵「紅花石蒜」，網民看到指該花雖美，但帶有致命毒性，該花花語更是「無盡的愛、地獄的召喚」，充滿「不祥之兆」，大嘆「唔老黎」！

事件在網上發酵。

火上加油既係，廣告公司在餅家 Facebook 廣告帖文下出來說了幾句，有自稱廣告影片創作人留言回應：「如果有咩意見，可直接PM（私訊）我。如果是全職打手，你們也未免過時了。謝謝指教，本人定當虛心學習。」他又稱：「罕見香港人對花語如此執著，惡言攻擊無謂追究，本於尋根究底，確助提升民智。」

這樣回覆辣慶網民，隨即變成了「關公災難」。