嘩，咁樣講，唔通話自己唔專業咩。
係，我是專業的。我係響「石行」做的，揀鑽石大家可以搵我，網上留言電郵電話Whatsapp都得。
講到底，究竟同熟人買鑽石會有幾著數呢？
先戴頭盔
首先，「熟人」當然不是指「唔熟唔食」果種熟人，我們所說，係「真.好人」果種熟人啦。
咁據今次相關的「熟人」（即係Kate）所講，「同熟人買鑽石」的好處包括：
1. 服務特別好
因為熟人識得你，知你係咩人，所以會知道你的喜好，你的要求。經歷「家道中落」或「嫁入豪門」者就例外啦。
如果熟人係好人，係唔會滾鬼自己人嘅。無咁衰會叫你用幾萬銀去買啲肉酸野。
2.會揀特別好既鑽石
如果熟人係自己有門路的 (好似我咁)，你幫襯佢，佢一定會幫手揀一些特別好既鑽石比你。佢同你 friend，都不會比啲曳嘢你，唔會想令你走頭去另外一個地方買。
肥水不流別人田，你懂的。寧願薄利多銷，對不？
成本一定有，不過揀得比你的，一定唔會差。
唔識做石行熟人點算好
不過，同學仔會話：
「Kate, 不是人人都好似你個friend咁，有個做鑽石，又值得信賴的熟人朋友架！」
係嘅係嘅。咁又係嘅。
那沒有熟人的你，親愛的，又可以注意什麼呢？
除了「馬上同Kate交個朋友」之外，大家可以從以下幾點出發：
1. 公司信譽和歷史
講呢d, 咁老土，好像有點悶！你一定已經係咁諗。
但我告訴你，「鑽石」這個行業，由於產品價值大，奇怪又 tricky 嘅事，發生得特別多。
要談這些 tricky 嘢，講那些不良的銷售手法，我諗講幾萬字講幾日幾夜，也未必講得完。
所以簡單一點，若果有一間珠寶公司，能夠長時間在這個鑽石行業站穩住腳的，口碑一定有番多少。
他的誠信和營商手法，應該可以為市場接受，所以看公司信譽和歷史，可以對消費者的一定的保障。
所以「公司信譽和歷史」也是一個頗為重要的指標。
2. Sales 的知識
由於 Certified 的鑽石（如 GIA, IGI 等證書）對很多人來說，是從未接觸的新領域，所以珠寶 Sales 能否非常簡易的將專業知識，深入淺出的講解令客人明白，很多時會直接影響消費者的購買決定。
可惜，很多珠寶公司的 Sales 自己也是半桶水，只是拿著鑽石 4C 的「資料板」，一字一句將指示框內的皮毛資料向客人讀完又讀，讀完又讀，讀完又讀。客人聽到頭暈也仍然不了解，咁當然失信心啦。
有些客人，其實已在外面其他地方看了很久，還在網上查了很多鑽石 4C 的資料，對4C的知識，可能比 Sales 還豐富。原先只是還有少許不懂，打算再問一問 Sales，點知問來問去，Sales 仍答不上來。
最後那客人仍然未掌握到自己的實際要求，又枉花了時間，咁佢又點會有信心，去幫襯那個 Sales 買鑽石呢？
所以要知多啲，找個有知識的銷售人員，非常重要。
3. 避開 Freelance 放石的朋友
近兩年，可能是市道不景吧，有很多人做 Freelancer 加入「代客搵石」既行業工作。
Freelance 放石，價錢有時候仲比我們這些做石行的低一截！
點做到的？是因為我們做珠寶批發的，獅子開大口嗎？我告訴你，肯定不是的！
實情是，很多 Freelancer 他們自己是在珠寶公司打工，在工作上認識了一些鑽石批發。有朋友要石，就膽粗粗問批發拿石。
他們做 Freelancer「左手交右手」，諗住為朋友省錢之餘，自己又賺幾千，真係一家便宜兩家著。
但小心他們自己也是半桶水，未必能夠取得，或及讀懂一顆鑽石的細微規格。一些中間的安全關卡也會全被省略掉。
所以與這些 Freelancer 買鑽石，存在風險確是不小。畢竟有把關的，才能給你好東西。
買鑽石識得熟人最好
所以，買鑽石，最好當然識得熟人，但那個熟人亦一定要專業及人品好。
另外，找間有信譽有經驗的鑽石商，就連銷售員也是專業的，才是穩妥。
不要貪平找 Freelance 放石的，風險實不少。
一分錢一分貨，是不變的定律。
掌握以上幾點，能更有效率覓得心頭好，亦能更有效保障你的利益！
畢竟，買鑽石也是博君一笑。送禮好，求婚好，都是想花錢花得開心又安心啫。
我 Kate Po 也十分歡迎來自五湖四海的「朋友」找我幫手揀鑽石買鑽石，朋友的朋友也唔拘。😅
* 圖中的 GIA certsssss ，是剛完成的一條頸鏈所用的多粒鑽石的證書。頸鏈所用的鑽石，最大為半卡。這些鑽石的證書，都是「細證」，即是只有顯示鑽石資料，而沒有雜質圖示的證書。
沒有留言:
發佈留言