徐子珊搞生意做設計 繼續接幕前job

看見徐子珊專心讀珠寶設計的報道，深感同人唔同命，有知名度的可算是贏在起跑線。不過世界就係咁，我們唯有更努力啦！大家都係 Kate，希望你也有好作品面世。我當然也要更努力。


【專心讀珠寶設計】徐子珊搞生意做設計 繼續接幕前job

鄭伊健同徐子珊喺尖沙嘴出席品牌Gold Elite Paris旗艦店開幕動，同場仲有陳曉東帶埋老婆現身。

伊健話呢個品牌係幫人設計自己鍾意嘅物件，佢同陳小春、謝天華等一班古惑佬有個team，搵咗葛民輝設計logo，佢想將個logo放喺手機度，但要班兄弟同意至得。伊健再話：「個logo有註冊，之前阿葛仲幫我哋個演唱會設計T恤，喺北京有炒買，阿葛話幫我哋做嘢都要有番小小錢賺至得，嚟緊我哋開巡唱都會再叫阿葛幫手設計嘢。」

徐子珊近排好少亮相幕前，佢話好專心讀緊珠寶設計，嚟緊會喺網站做自己第1次嘅珠寶生意，主要係幫人設計珠寶，o依家都係邊跟朋友學邊做，好多嘢都唔識。」問佢係咪轉型?子珊話：「唔係，繼續會做幕前演出，我都會幫部微電影做導演，係幫朋友公司拍短片，對方都有要求我出鏡，不過呢次想專心幕後拍攝。」佢仲話o依家自由身，無綫間中都會幫佢接job，亦有傾緊舞台劇及內地劇，好享受o依家嘅生活。

http://hk.apple.nextmedia.com/enews/realtime/20160401/54936220