珠寶工作令女人染上一舖癮

珠寶工作係一門好容易令女人染上一舖癮嘅行業。

當一個女人喺珠寶行返工，佢地每日嘅工作，都會接觸好多唔同既靚野。

上唔上癮，睇你做化啦！




好彩既，做 GIA鑑定果種，啲貨價位咁高，唔會日日買。但都會順便 mon 住啲筍嘢，說下未來老公.... 💗

業障重嘅，好似我地咁，做訂製珠寶嘅珠寶設計師，客人要咩，我地就攞咩... 又鑽石又珍珠又寶石咁，呢啲貨嘅價錢，亦都係豐儉由人.... 其實咁先會特別危險。💎

好似今日咁，有一批新嘅南洋珍珠到咗公司 (見圖)，Check左 Quality之後，同事就會以 0.1mm 嘅差別去將佢哋分成幾批，再由粉紅色到銀色咁排好，方便想要「對裝」嘅客人去揀顏色做貨。

每次女同事去做呢個「排珍珠」嘅動作都非常危險，因為排珍珠，需要我哋去好小心咁細看，而細看之下，每粒天然珍珠確實有唔同性格！

一個唔小心，你會聽到嘩嘩聲此起彼落，班女人好似去左行街 Shopping咁，轉頭仲係度互 Sell，你睇下呢粒幾靚...

一旦同啲珠寶首飾寶石珍珠建立咗感情，大鑊，就會好容易自己買咗佢而唔肯賣比客人...

要戒左舖癮，唯有念念有詞，不停自言自語：「賣仔莫摸頭... 你要找卡數... 」

你明嘛，其他女人要避免 Shopping，可以少啲睇電視，連雜誌都掉埋佢。但係喺珠寶公司返工可憐既我哋，除左每日要掂住啲珠寶靚貨，收工後連 Window Shopping 其實都係我哋嘅工作範圍。一個唔覺意，就會變成真正嘅「血併」。唉，只能希望 Sale Season 快d過..

所以，定力唔夠嘅朋友，千祈唔好入行！除非你想訓練自己啦，不過小心學費真係好貴... 💀