求學不是求分數
唔好誤會，我並非要研究「教育制度」呢啲咁大既題目。只係人大左，係市場上打滾耐左，真實既經驗就係：莫講話分數咁少事，連學歷，學科，學府... 其實同成功都無太大既關係。
點解我話「無太大」而唔係「無」呢？老實說，作為設計師的我，本身在海外留學，擁商學士學位（麻煩咪嬲豬，唔好走住啦...）的確在我出身既年代同時期，比過唔少機會我...
仲記得，小妹 Kate 在未創立 Kusion 之前，當年返香港做 Summer Job ，間公司唔細架！見我浸過咸水，就擺我去 VIP 條 CS Team，因為有好多外國人要講英文！而人工，係高過人地少少（雖然我一直唸，究竟我呀爸個年供我讀書既錢回到幾成本）。
又好似，以前我任職間珠寶大公司講到明，係要我個商學位嘅學歷，唔係因為我 設計 個張 Cert 去請我，職位亦係「行政部」，設計定係商學位重要，你明啦。個陣時係外國大學畢業，的確 mean something！
而家世界變了
但係，呢啲都係「咸豐年」嘅事啦！到左依家，世界真係唔同哂！
只需要唸下，Interview 考官都要考一考考生的語言能力嘅時候，可見大家對學歷都無大信心，學位已經貶值。
反而另一啲人，好似我嘅 Partner 咁樣，「紅褲仔」出身，就相識遍全球，亦因為咁，佢啲英文不知好過幾多外國返來既大學生...
又同埋，我有太多創業既 Buddy，唔好話學歷有幾高啦！佢地簡直以自己讀書時有幾離譜而自high! 我企係佢地中間，一講生意經，真係一個呀壽入左少林既感覺呀！
個種歷練，唔止係人地早我地幾年入社會咁簡單，係個種人味，貼地，Street Wisdom 真係同市場無縫焊接...
反觀我地呢班叫做有學歷人士，想來想去 Pros and Cons, 爭啲想做埋個 Proposal 比自己先開波咁款!
係呢個行得咁快既市場，咁慢嘅節奏可以係一個死因喇！
而要擺脫呢啲學院派嘅習慣，你可能唔信，但真係需要唔少時間，同唔細嘅決心！你話幾慘！
要成功 有學歷係唔夠嘅
再重申一次啦 － 想成功，學識見識都一定要有；睇你喺邊度學，跟邊個學，同用咩形式學....
若果生命係要活出自我，尋找快樂，每個人既 Definition 都係獨特既，咁條路，都唔應該一樣呀！
人生路漫漫，成功咁多種！點會淨係有好多A入到醫科先叫成功同快樂？咪傻啦！
狀元 點解係男性用語？
講開又講呀，邊個提起用「狀元」呢個稱呼？
女仔叫「女狀元」咁男仔又唔叫「男狀元」？
因為以前女仔無書讀嘛！我明呀！咁古裝既用語呀！咩年代呀！放過我啦！
仲有呀，成日搬曹星如出黎，係咪一定要下下推到咁 Extreme 既舉例？
比啲創意，做下功課啦！OK?!
唉，呢個年代，真係令人好。勞。氣！
沒有留言:
發佈留言