客人本來只係來pick up 訂咗既鑽石，由於太熟了，設計師覺得自己對客人既 Taste好了解。
設計師（長期衰人mode) : 你對鑽石卡數重咗少少，俾多幾百蚊我。
客人：得啦，你話靚就得... 我仲想睇你前排 Facebook Post 咗嗰啲黑珍珠。
設：你膚色都唔啱黑珠... 你睇下好喇。
客：我鍾意(黑珍珠)呀，幫我揀粒啦！你同我唸款...
設計師即時心裡碎碎念：你都唔知係咪戴嘅，一陣又話想鑲哂鑽石做傳統款收藏，又攞錢來哂又浪費粒珍珠，首飾係要戴架！講極都係咁...
突然「叮」一聲～
設計師就同客人講：我剛做左個款俾自己戴，都好癲下。唔係話豪華舒適個類㗎，喺街就少見既... 剛出電腦圖，你望下啦！
（電腦圖，就是文章開首的那張。）
講既時候，設計師心唸，得電腦圖睇呢啲咁另類既款... 算啦！落單都係自己 Size (您明嘛，即係預賣唔出呀，哈哈！）
然後瞄一瞄客人，重研究緊個圖噃，於是順口加句：你都鍾意嘅話依家同你落埋單，我地一齊戴呢個張量版... （咁都算賣點？簡直講完都唔好意思）
估唔到客人話：好呀，呢個款得意！
我當時有無講其他野，我已經忘記左，但我都加左句：就呢，呢個銀來架，我收你幾百蚊啦！
（客人應該明白我，準確既意思係，就算你太唔鍾意，都係嘥幾百，唔使太後悔... ）
而客人望住我個眼神... 有驚有喜... 我唔識形容，希望你見到戒指真係有驚喜。
Anyways, 呢件係 Kusion 第一件眾籌產品！若果客人收到戒指時有笑料，設計師會即刻報告大家知！
===
眾籌
群眾募資又稱群眾集資、公眾集資或群募；中國地區多簡稱其眾籌、群眾籌資。具體是指透過互聯網展示、宣傳計劃內容、原生設計與創意作品，並與大眾解釋通過募集資金讓此作品量產或實現的計劃。有意支持、參與及購買的群眾，可藉由「贊助」的方式，讓此計劃、設計或夢想實現。在一定的時限內，完成事先設定募資的金額目標後即為募資成功，可以開始進行計劃。
沒有留言:
發佈留言