或者設計師都係廢青

若你在香港生活，很多人對設計師都有好多 Stereotype 既形象，例如：

• 「識飲識食唔駛做」
• 「由朝到晚等靈感」
• 「屋企大把靠父幹」

貼地少少既自嘲就有：

• 「讀書曳，做設計」

直頭係「廢青」一樣

實情呢？

今個星期日就發生左件事。話說設計師在私人FB 寫左段野....



（圖片一）



好明顯我係 hea人一個！獲得朋友唔少稱羨既掌聲

但你唸下，幾廿歲，唔係廢青咁瞓得？定真係廢老？

等等先，事情又點會咁表面，或者我地回少少帶...

幾日前，設計師就提到，個膊頭痛到一個點...



（圖片二)

好明顯係個人老左，無去做老人操但成日扒係枱做野，究竟要搞幾耐先會練成咁結實咁高濃度既乳酸肩？唔講都知同長期工作勞損有莫大關係啦！

再拉返近d, 自然蘇醒個朝，同之前開完會既partner閒談，佢呀！係IT9, 出名勤奮既物種，竟然

都瞓到12點！佢更加大鑊到連 Appointment都要 Delay!

事實講得好清楚，呢兩個人一定經歷過 Common 既事件，令佢地既精力耗盡！

係咩野？我就知呢！無咩特別既... 只係新 Project 既 Brainstorming同資料搜集之嘛！

真係成條命都比左佢！白頭髮都多幾條！你估真係等靈感一到，咩都唔使做？

再講近d, 依家半夜11點半，設計師只係剛放工食左少少野... 連呢個blog，都係回家途中完成！

睇到呢度，依然嚮往以設計作為終生職業既你，歡迎加入呢個大家以為hea, 實質做到氣都無既大家庭！